ANG PABAHAY AY KARAPATANG PANTAO
batid ng maralitâ ang katotohanang
bawat pabahay ay pantaong karapatan
kayâ iyang demolisyon ay kasamaan
pagkat dangal ng dukhâ ang niyuyurakan
kayâ dukha'y patuloy na nakikibaka
pagkat magkaroon ng bahay ay hustisya
bahay at búhay ay ipaglalaban nila
laban sa mga tuso't mapagsamantala
lalaban nakatira man sa barungbarong
upang ipagtanggol ang kaunti mang meron
ipaglalaban kahit maliit mang silong
basta't sa pamilya'y mayroong nagkakanlong
kayâ bago kayo magdemolis ng bahay
ng maralitâ, pag-isipan ninyong tunay
hangga't wala pang malilipatang mahusay
huwag silang galawin nang walang umaray
- gregoriovbituinjr.
02.12.2026
* litrato mulâ sa google
Walang komento:
Mag-post ng isang Komento