salamat sa lahat ng dumalo
sa World Poetry Day ngayon dito
pagkat nagtulaan tayo-tayo
sa munting aktibidad na ito
kasama ang mga maralita
na talaga kang mapapahanga
pagkat sila'y nakisamang sadya
sa pagbabasa ng mga tula
tula'y binasa ng malumanay
iba'y binasa iyong kayhusay
binigkas nilang buhay na buhay
kaya taos kaming nagpupugay
matapos iyon ay nagmeryenda
mani, pandecoco, ensaymada
may saging, kanin, pritong isda pa
lahat kami'y umuwing masaya
muli, taospusong pasalamat
sa mga dumalo rito't sukat
sa World Poetry Day, aktibidad
natin tungo sa lipunang sapat
- gregoriovbituinjr.
03.21.2022
* salamat sa mga dumalong maralita mula sa komunidad ng Brgy. San Miguel at Brgy. Palatiw sa Lungsod ng Pasig
Walang komento:
Mag-post ng isang Komento